1.  Kei ngā rangahau a Leoni McInroe rātau ko Paul White, ko Earl White, ko Keith Wiffin i te Tānga Tuarua e āta rārangi ana ā mātau kitenga e pā ana ki te korenga o te Karauna i wawao i ngā whakawā mō te tūkinotanga i te wā o te noho taurima.

2.  Kei ngā rangahau a Leoni McInroe rātau ko Paul White, ko Earl White, ko Keith Wiffin i te Tānga Tuarua e āta rārangi ana ā mātau kitenga e pā ana ki te korenga o te Karauna i wawao i ngā whakawā mō te tūkinotanga i te wā o te noho taurima.2 Kua panoni iti nei ā mātoutūtohitanga mai i ngā tūtohitanga mō te wā nei, ērā i tāpaetia atu ki te Minita Tai Whenua, ki a Hon Jan Tinetti, i te 1 o Ōketopa 2021. I panonitia ērā kia popoto ai, kia mārama ai, ā, i whakakotahitia hoki ētahi, i whakaraupapahia anō ētahi. Kāore ēnei panonitanga i huri i te tikanga o ngā tūtohitanga. Heoi anō, kua āpitihia e mātou ētahi tūtohitanga hou. I whakatau mātou me āhei ngā purapura ora te tono atu ki a ACC me te kaupapa puretumu torowhānui hou anō hoki, engari me whai whakaaro tētahi rōpū ki ngā āheitanga ka puta i tētahi. I whakatau hoki mātou me tohutoro mārakerake atu ngā ture me ngā kaupapa here e pā ana ki te tūkinotanga i te wā o te noho taurima ki te whakatinanatanga o te Tiriti o Waitangi; kia whai wāhi ki ngā mātāpono o te pūnaha puretumu torowhānui ko tētahi mātāpono e kōrero ana mō te whakaaro nui ki ngā kanorautanga me te wero atu i ngā whakahāweatanga; ā, kia whakaae hoki te Rōpu Māori me te Karauna ki ngā ture hukihuki kia whakatinanahia ai ā mātou tūtohitanga. I āpiti hoki mātou i ētahi tūtohitanga mō te hinonga whakahaere i te kaupapa puretumu torowhānui, mō ngā kōhatu ingoa-kore me ngā urupā ingoa-kore, mō te tautoko ā-pūtea i ngā rangahau motuhake o Aotearoa e pā ana ki ngā tūkinotanga i te wā o te noho taurima, mō ngā mātāpono urupare ki ngā kerēme tūkino i te wā o te noho taurima, mō ngā kōrero o roto me te whakakoretanga anō hoki o ngā pārongo, me ngā mahi aroturuki.