Momo kerēme

28.  Me whai kōwhiringa te purapura ora ki:

• te tono kerēme māori ka aro ki te tūkinotanga me ōna pānga
• te tono kerēme poto ka aro ki te tūkinotanga anake
• te tono kerēme poto tuatahi, ka tahuri ai ki te tono kerēme māori ā muri ake.

29.  I ngā kerēme e rua, me mahitahi te kaupapa ki ngā purapura ora ki te whai i ngā hiahia hei whakatutuki i te utua kia ea, i te teu le vā / tāuhi vā rānei.

30.  I te wā o te aromātai kerēme māori, ko te kaupapa me:

• tīmata me te whakapono ki ngā kōrero a te purapura ora
• whai whakaaro ki te āhua i tūkinotia te tangata, ā, e rongo ana te purapura ora i ngā pānga e kerēmehia ana
• whai whakaaro ki ngā pānga katoa e hono ana ki te tūkinotanga
• tūtaki ki te purapura ora, māna kāore ia i te pīrangi, ā, ka nui ngā taipitopito kōrero i roto i te kerēme
• pōhiri, ki te pīrangi te purapura ora, i ngā māngai o ngā rōpū whakahaere hāngai me ngā kaihara kua whakaingoatia kia tae atu ki ngā hui ki te whakarongo, kia mārama hoki ki te tūkinotanga me te pānga ki te purapura ora
• whakamōhio atu ki ngā rōpū whakahaere me ngā tangata i whakaingoatia i roto i te kerēme, me te pōhiri i a rātou ki te kōrero mai i te āhua:
  • e kore e whakaae kia ui tika atu rātou ki te purapura ora
  • e kore e whakaae kia whakahoki te purapura ora ki ngā kōrero mehemea koia tōna hiahia
• whakaū i te whakaaro he haumaru ngā purapura ora i ngā āhuatanga utu i mua tonu i te whakamōhio atu i ngā rōpū whakahaere me ngā tangata mō te kaupapa nei, hāngai rawa atu nei ki ngā purapura ora hauā kei te noho taurima tonu
• mārama ngā wā me mātua hoki mai ngā urupare a ngā rōpū whakahaere me ngā tangata
• koke whakamua me tētahi whakataunga ki te kore tētahi e whakahoki i te wā e tika ana.

31.  I te wā o te aromātai kerēme poto, ko te kaupapa me:

• tīmata me te whakapono ki ngā kōrero a te purapura ora
• whai whakaaro ki te āhua i tūkinotia te tangata
• tūtaki ki te purapura ora ki te hiahiatia.